Charter Document - 05450778
| Charter Number: | 05450778 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1317 |
| Date type: | Internal, Regnal, Feast, Lunar |
| Resource Link(s): |
|
Charter:
Omnibus Christi fidelibus ad quos presens scriptum pervenerit Margeria de Dyne permissione divina abbatissa de Godestowe et eiusdem loci conventus salutem in domino sempiternam Noveritis nos concessisse Johanni filio Johannis hereward [] pater suus de nobis tenuit in villa de Clere habendum et tenendum predictum tenementum cum predicta virgata terre predicto Johanni libere et quiete ad terminum vite sue reddendo inde annuatim nobis et successoribus nostris vii s ad duos anni terminos pro omni servitute et demanda videlicet ad festum sancti Michaelis iii s et vi d et ad festum annunciationis beate virginis iii s et vi d Volumus etiam et concedimus quod si predictus Johannes hereward pater predicti Johannis supervixerit Johannem filium suum predictum tenementum cum dicta virgata terre eidem revertantur et uxori eius in villenagium eodem modo et pro eodem servitio quo et illa prius de nobis tenuerunt Defunctis tamen predictis Johanne hereward patre dicti Johannis et Johanne filio suo predictum tenementum cum predicta virgata terre sine alicuius inpedimento nobis et successoribus nostris revertantur Si vero dictus Johannes in solutione dicti redditus ad aliquem terminum cessaverit in parte vel in toto licitum erit nobis predictum Johannem distringere et districtiones retinere donec nobis satisfactum fuerit plenarie de omnimodis arreragiis predicti redditus una cum dampnis que occasione dicti redditus non soluta habuerimus Nec licebit predicto Johanni dictam terram nec partem predicte terre aut tenementi alicui vendere nec invadiare nec aliquo modo elongare nisi de voluntate nostra Nos vero predicta abbatissa et conventus et successores nostri predictum tenementum et terram dicto Johanni filio Johannis hereward ad terminum vite sue ut predictum est contra omnes homines warantizabimus et defendemus In cuius rei testimonium huic scripto in modo cirographi confecto sigilla nostra alternatim apposuimus Data apud Godestowe die lune proxima post octabas sancte trinitatis anno regni regis Edwardi filii regis Edwardi decimo