Charter Document - 05450777
| Charter Number: | 05450777 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1234 |
| Date type: | Internal, A.D., Feast |
| Resource Link(s): |
|
Charter:
Sciant presentes et futuri quod ego Turstanus dispensator domini regis Angl consensu et voluntate Lucie uxoris mee et heredum meorum dedi et concessi et hac presenti carta mea confirmavi deo et beate Marie et sancto Johanni baptiste de Godestowe et monialibus ibidem deo servientibus et suis successoribus quinque solidatos redditus annuos pro anima Amauri filii mei in puram et perpertuam elemosinam libere et quiete et pacifice ab omni exactione seculari vel demanda tanquam libera elemosina scilicet tres solidatos quos consuevi percipere de homininibus meis de Bradenston et totum feudum meum quod habeo in eadem villa cum humagiis et relictis askaetis et omnibus aliis pertinentiis que habeo vel habui vel habere potui in dicta villa de Bradenston de dicto feudo et duos solidatos in villa de Baldindon quos consuevi percipere annuatim ab Andrea de Scaccario quos quidem v s annuos assigno inperpetuum dictis monialibus ad pitantiam in die anniversarii filii mei scilicet in crastino nativitatis beate virginis Ego vero Turstanus et heredes mei et successores hanc dictam donationem dictis monialibus et suis successoribus contra omnes homines et feminas warantizabimus inperpetuum Et ut hec mea donatio et confirmatio rata maneat et inconcussa presenti scripto sigillum meum apposui Hiis testibus domino Radulpho Dispensatore persona Ada Dispensatore milite dominis Absolone Bernardo capellanis Gileberto de Biham Reolando Bluet Nicholao de Loges et multis aliis Data anno gratie MCCxxxiiii in vigilia sancti Andree Apud Godestowe