Charter Document - 05450775
| Charter Number: | 05450775 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1281 - 1289 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rogerus de Writele de Brodebluntesdon dedi concessi et hac presenti carta mea confirmavi deo et ecclesie beate Marie et sancti Johannis baptiste de Godestowe et monialibus ibidem deo servientibus et inperpetuum servituri pro salute anime mee et Agnetis uxoris mee et Isabelle quondam uxoris mee et pro animabus patrum et matrum nostrorum et omnium benfactorum nostrorum in liberam et perpetuam elemosinam omnes terras et tenementa mea in Brodebluntesdon et in Estthrop in villa de Heyeworth et in Cheleworthe cum mansionibus edificiis gardinis columbariis molendinis liberis tenentibus villanis villenagiis cum eorum sequelis et catallis coterellis redditibus operationibus auxiliis wardis releviis eschaetis quibuscumque finibus terrarum redemptionibus progenitorum pratis pascuis pasturis stagnis curie sectis cum omnibus aliis libertatibus et liberis consuetudinibus ad predicta tenementa aliquo modo seu iure pertinentibus sine ullo retinemento habenda et tenenda omnia predicta terras et tenementa cum omnibus pertinentiis suis nominatis dicte ecclesie de Godestowe et dictis monialibus et earum successoribus ibidem deo servientibus et inperpetuum servituris libere quiete bene et in pace inperpetuum de capitalibus dominis feodorum illorum faciendo inde eis omnia servitia debita et consueta que ad predicta terras et tenementa pertinent et dictis monialibus singulis annis die anniversarii mei xl s ad pitantiam in memoriam anime mee Pro hac autem donatione concessione et presentis carte mee confirmatione predicte abbatissa et moniales animam meam et animas Agnetis et Isabelle uxorum mearum patrum et matrum nostrorum et omnium benefactorum nostrorum in omnibus earum suffragiis orationibus elemosinis et vigiliis inperpetuum specialiter receperunt Ut hec autem mea donatio concessio et confirmatio rata stabilis et inconcussa permaneant inperpetuum presenti carte sigillum meum apposui Hiis testibus domino Johanne de Wotton tunc vicecomite Wyltes dominis Ricardo de la Rynere Roberto de Meysi Roberto de Lusteshull Willelmo de Bluntesdon Johanne Waler militibus Philipo de Gay Johanne Aylmer Rogero de la Bery Rogero Bryan Nigello de Stok Johanne de Grauntebrigg Johanne de Wydihulle et aliis