Charter Document - 05450773
| Charter Number: | 05450773 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1301 |
| Date type: | Internal, Regnal |
| Resource Link(s): |
|
Charter:
Universis presens scriptum visuris vel audituris Alicia de Gorges permissione divina abbatissa de Godestowe et eiusdem loci conventus salutem in domino Cum Robertus filius Walteri de Astall clamet tenere unum mesuagium et unam virgatam terre cum crofto et prato adiacentibus et ceteris suis pertinentiis de feudo nostro in villa de Estallyngleye ad terminum decem annorum proximo sequentium pleno completorum per traditionem et dimissionem Alicie que fuit uxor quondam Walteri le Fere secundum formam et tenorem cuiusdam scripti conventionalis inter eosdem inde confecti reddendo inde annuatim nobis et successoribus nostris xii s ad quatuor anni terminos per equales portiones in villa predicta consuetos pro omnibus servitiis et aliis demandis nobis et monasterio nostro quoquo modo spectantibus pro qua quidem predicti redditus solutione suis terminis fideliter facienda Waltero et concedit idem Robertus pro se et heredibus suis seu assignatis quod predicta tenementa omnibus modis distringenda permaneant nobis obligata ad predictus redditus predictorum xii s nobis a retro fuerit de tempora quondam predictorum Walteri le Fere et Alicie quondam uxoris eiusdem usque ad summam vi li et xii s argenti videlicet ab anno regni regis Edwardi filii regis Henricii decimo septimo usque ad festum pasche anno regni regis eiusdem vicesimo nono Noverit universitas vestra nos unanimi assensu et consensu totius capituli nostri concessisse predicto Roberto et heredibus suis seu suis assignatis quod possint dictum mesuagium cum terra et prato predictis et aliis ubique suis pertinentiis libere et in pace tenere ad terminum predictorum decem annorum proximo sequentium a tempore confectionis presentis scripti plene completorum pro predictis xii s nobis et monasterio nostro in forma predicta solvendis sine aliqua occasione exactione et demanda de predicti redditus arreragiis pro toto tempore retroacto ante confectionem presentis scripti faciendi Et quod nec nos nec aliquis per nos seu nomine nostro dictum Robertum heredes seu assignatos suos possint nec debeant distringere nec aliquo modo occasionare pro quibuscumque predicti redditus arreragiis durante termino suo decem annorum in forma predicta reservata nobis tamen plena potestate omnibus modis distringendi quemcumque tenentem post predictum terminum predictorum decem annorum plenarum completorum pro predictis arreragiis pro toto tempore retroacto ante confectionem presentis scripti donec inde nobis plenarie fuerit satisfactum Pro qua quidem concessione pace habenda et respectu dato pendente termino decem annorum de supradictis arreragiis predictis Robertus dedit nobis dimidiam marcam argenti premanibus In cuius rei testimonium sigillum capituli nostri una cum inpressione sigilli nostre abbatisse presenti scripto dupplicato cirographato fecimus apponi Data in capitulo nostro de Godestowe vicesimo septimo die Februarii anno regni regis Edwardi filii regis Henrici vicesimo nono