Charter Document - 05450767
| Charter Number: | 05450767 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Royal |
| Charter Type(s): | Permission |
| Date: | 1357 |
| Date type: | Internal, Regnal |
| Resource Link(s): |
|
Charter:
Edwardus dei gratia rex Angl et Franc et dominus Hibn dilecte sibi in Christo abbatisse de Godestowe salutem Cum per litteras nostras patentes concesserimus et licentiam dederimus pro nobis et heredibus nostris quantum in nobis est abbati et conventui de Becco Herlewini in Normann quod ipsi quondam redditum annuum viii li cum pertinentiis quem iidem abbas et conventus et eorum predecessores habere et percipere solebant in villa de Wicumbe de ecclesia eiusdem ville per manus abbatisse de Godestowe que dictam ecclesiam de Wicumbe in proprios usus tenet et que redditus in manu nostra occasione gurre inter nos et adversarios nostros Franc mote existit dare possent et concedere dilecto nobis Johanni de Talworth burgensi ville de Wycumbe habendum et tenendum eidem Johanni et heredibus suis imperpetuum Ac prefati abbas et conventus virtute concessionis et licencie predictarum predictum annuum redditum viii li prefato Johanni dederint et concesserint habendum et tenendum sibi et heredibus et assignatis suis adeo libere plene et integre sicut predicti abbas et conventus et predecessores sui redditum illum prius percipere solebant prout per cartam ipsorum abbatis et conventus predicto Johanni inde factam plenius peterit apparere Vobis mandamus quod eidem Johanni dictum redditum annuum viii li de cetero solvatis et ei inde intendentes sitis et respondentes Volumus enim vos de eodem redditu annuo erga nos extunc exonerari Teste me ipso apud Westm xxiii die Septembris anno regni nostri Angl tricesimo primo regni vero nostri Franc decimo octavo