Charter Document - 05450762
| Charter Number: | 05450762 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Royal |
| Charter Type(s): | Licence |
| Date: | 1321 |
| Date type: | Internal, Regnal |
| Resource Link(s): |
|
Charter:
Edwardus dei gratia rex Angl dominus Hibernie et dux Aquit omnibus ad quos presentes littere pervenerint salutem Licet de communi consilio regni nostri statutum sit quod non liceat viris religiosis seu aliis ingredi feodum alicuius ita quod a manum mortuam deveniat sine licentia nostra et capitalis domini de quo res illa inmediate tenetur per finem tamen quem Willelmus de Burncestr fecit nobiscum concessimus et licentiam dedimus pro nobis et heredibus nostris quantum in nobis est eidem Willelmo quod ipse unum toftum cum pertinentiis in suburbio Oxon dare possit et assignare dilectis nobis in Christo abbatisse de Godest et monialibus eiusdem loci habendum et tenendum eisdem abbatisse et monialibus et earum successoribus imperpetuum in escambium pro uno tofto cum pertinentiis in eodem suburbio eidem Willelmo per predictas abbatissam et monales in feodo dando et concedendo imperpetuum Et eisdem abbatisse et monialibus quod ipse predictum toftem cum pertinentiis a prefato Willelmo recipere possint et tenere sibi et earum successoribus predictoque Willelmo quod ipse aliud toftum cum pertinentiis a prefatis abbatissa et monialibus recipere possit et tenere sibi et heredibus suis imperpetuum in escambium predictum sicut predictum est tenore presentium similiter licentiam dedimus specialem nolentes quod predictus Willelmus vel heredes sui seu predicte abbatissa et moniales vel earum successores ratione statuti predicti per nos vel heredes nostros inde occasionentur in aliquo seu graventur salvis tamen capitalibus dominis feodi illius servitiis inde debitis et consuetis In cuius rei testimonium has litteras nostras fieri fecimus patentes Teste me ipso apud Westm quartodecimo die Novembris anno regni nostri quintodecimo