Charter Document - 05450760
| Charter Number: | 05450760 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Royal |
| Charter Type(s): | Licence |
| Date: | 1291 |
| Date type: | Internal, Regnal |
| Resource Link(s): |
|
Charter:
Edwardus dei gratia rex Angl dominus Hibn et dux Aquit omnibus ad quos presentes littere pervenerint salutem Licet de de communi consilio regni nostri providerimus quod non liceat viris religiosis seu aliis ingredi feodum alicuius ita quod ad mortuam manum deveniat sine licentia nostra et capitalis domini de quo res illa inmediate tenetur Volentes tamen Odoni de Watlinkton et Alicie filia Alicie de Sutham gratiam facere specialem dedimus eis licentiam quantum in nobis est quod ipsi Odo et Alicia duo mesuagia cum pertinentiis in Oxon dare possint et assignare dilectis nobis in Christo abbatisse et conventui de Godestowe habenda et tenenda eisdem abbatisse et conventui et successoribus suis imperpetuum Et eisdem abbatisse et conventui quod mesuagia illa ab eisdem Odone et Alicia recipere possint similiter licentiam concedimus specialem nolentes quod iidem Odo et Alicia vel heredes sui aut predicti abbatissa et conventus vel succesores sui ratione statuti predicti per nos vel heredes nostros inde occasionentur in aliquo vel graventur salvis tamen capitalibus dominis feodi illis servitiis inde debitis et consuetis In cuius rei testimonium has litteras nostras fieri fecimus patentes Teste me ipso apud Longam Icchenton decimo die Marcii anno regni nostri decimo nono