Charter Document - 05450759
| Charter Number: | 05450759 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Royal |
| Charter Type(s): | Licence |
| Date: | 1326 |
| Date type: | Internal, Regnal |
| Resource Link(s): |
|
Charter:
Edwardus dei gratia rex Anglie dominus Hibernie et dux Aquitann omnibus ad quos presentes littere pervenerint salutem Licet de communi consilio regni nostri statutum sit quod non liceat viris religiosis seu aliis ingredi feodum alicuius ita quod ad manum mortuam deveniat sine licentia nostra et capitalis domini de quo res illa immediate tenetur per finem tamen quam dilecta nobis in Christo abbatissa de Godestowe fecit nobiscum concessimus et licentiam dedimus pro nobis et heredibus nostris quantum in nobis est Edmundo Maubank quod ipse unum mesuagium cum pertinentiis in Fletstrete in suburbio London dare possit et assignare predicte abbatisse et monialibus eiusdem domus habendum et tenendum eisdem abbatisse et monialibus et earum successoribus in auxilium sustentationis cuiusdam capellam divina singulis diebus in honore beate Marie virginis in ecclesia de Magna Tiewe celebratur imperpetuum Et eisdem abbatisse et monialibus quod ipse predictum mesuagium cum pertinentiis a prefato Edmundo recipere possint et tenere sibi et earum successoribus imperpetuum sicut predictum est Tenore presentium similiter licentiam dedimus specialem nolentes quod predictus Edmundus aut heredes sui seu predicte abbatissa et moniales vel earum successores ratione statuti predicti per nos vel heredes nostros inde occasionentur in aliquo seu graventur salvis tamen nobis et aliis servitiis inde debitis et consuetis In cuius rei testimonium has litteras nostras fieri fecimus patentes Teste me ipso apud turrim London sextodecimo dei Julii anno regni nostri decimo nono