Charter Document - 05450756
| Charter Number: | 05450756 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1265 |
| Date type: | Internal, Regnal |
| Resource Link(s): |
|
Charter:
Henricus dei gratia rex Angl dominus Hibernn et dux Aquitann archiepiscopis episcopis episcopis abbatibus prioribus comitibus baronibus justiciariis vicecomitibus prepositis ministris et omnibus ballivis et fidelibus suis salutem Quia accipimus per inquisitionem quam per dilectum et fidelem nostrum Rogerum de Clifford iusticiarium nostrum foreste citra Trentam fieri fecimus quod non esset ad dampnum neque nocumentum foreste nostre de Wichewode si concederemus dilectis nobis in Christo abbatisse et monialibus de Godestowe boscum nostrum de Burgwole cum pertinentiis qui est infra metas foreste predicte habendum sibi et successoribus suis in perpetuam elemosinam et quod boscus ille valet per annum ut in herbagio pannagio et omnibus aliis exitibus xxx et iiii s tantum nos intuitu caritatis et beati Johannis baptiste patroni ecclesie de Godestowe et pro salute anime nostre et animarum antecessorum et heredum nostrorum dedimus concessimus et hanc carta nostra confirmavimus prefatis abbatisse et monialibus boscum predictum cum suis pertinentiis habendum sibi et successoribus suis in perpetuam elemosinam de nobis et heredibus nostris reddendo inde per annum xxx et iii s videlicet unam medietatem ad scaccarium nostrum pasche et aliam medietatem ad scaccarium nostrum sancti Michaelis pro omni servitio consuetudine et demanda ita tamen quod boscum illum assartare vastare vel inculturam redigere nequeant nec etiam aliquo modo claudere possint quin bestie nostre liberum exitum et liberum ingressum habeant in boscum predictum sicut hactenus habere consueverunt Quare volumus et firmiter precipimus pro nobis et heredibus nostris quod predicte abbatissa et moniales et earum successores habeant et teneant boscum predictum cum suis pertinentiis de nobis et heredibus nostris in perpetuam elemosinam reddendo inde per annum xxx et iiii s videlicet unam medietatem ad scaccarium nostrum pasche et aliam medietatem ad scaccarium nostrum sancti Michaelis pro omni servitio consuetudine et demanda ita tamen quod boscum illum assartare vastare vel inculturam redigere nequeant nec etiam aliquo modo claudere possint quin bestie nostre liberum exitum et liberum ingressum habeant in boscum predictum sicut hactenus habere consueverunt sicut predictum est Hiis testibus venerabili patre W Ebor electo Angl primate Rogero de Mortuo Mari Rogero de Clyfford Roberto Waleraund Rogero de Leyburn Roberto Aguylun Willelmo de Aete Nicholao de Leukenore Petro de Nevill Bartholomeo Bygod et aliis Data per manum nostram apud Oxoniam vicesimo septimo die Decembris anno regni nostri quinquagesimo