Charter Document - 05450755
| Charter Number: | 05450755 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1231 |
| Date type: | Internal, Regnal |
| Resource Link(s): |
|
Charter:
Henricus dei gratia rex Angl dominus Hibn dux Norm et Aquit comes And archiepiscopis episcopis abbatibus prioribus comitibus baronibus justiciis vicecomitibus prepositis forestariis viridariis ministris et omnibus ballivis et fidelibus suis salutem Sciatis nos dedisse concessisse et hac carta nostra confirmasse deo et sancte Marie et sancto Johanni Baptiste et abbatisse de Godestowe et sanctimonialibus ibidem deo servientibus et inperpetuum servituris totam illam partem bosci de Hildesden cum pertinentiis quam dominus J rex pater noster tempore suo eis concessit et assignavit in escambium duarum carectarum quas habuerunt singulis diebus itinerantes ad buscam in bosco nostro de Shottovr sicut predicta pars illius bosci dividitur a parte bosci abbatis et canonicorum Osen per dictum cuiusdam aque intercurrentis habendam et tenendam de nobis et heredibus nostris sibi et successoribus earum in liberam et perpetuam elemosinam quietam de vasto et regardo Concessimus etiam eisdem abbatisse et sanctimonialibus de Godestow pro nobis et heredibus nostris quod habeant et percipiant inperpetuum decimam totius venationis quam futuris temporibus capiemus in parco nostro de Wodestok et in foresta nostra de Wichewud similiter et decimam anguillarum vinariorum nostrorum de Wodestok quotiens avalatio anguillarum contigerit de eisdem vinariis nostris Concessimus etiam eis pro nobis et heredibus nostris quod non ponatur in placitum de aliquo tenemento suo quod teneant in dominico suo nisi coram nobis aut capitali justiciario nostro et coram heredibus nostris aut capitalibus justiciariis heredum nostrorum Quare volumus et firmiter precipimus pro nobis et heredibus nostris quod predicta abbatissa de Godestowe et sanctimoniales ibidem deo servientes et inperpetuum servituras habeant et teneant inperpetuum predictam partem bosci de Hildesden cum pertinentiis suis quietam de vasto et regardo bene et in pace libere quiete et integre in liberam et perpetuam elemosinam et quod habeant et percipiant inperpetuum decimam totius venationis quam futuris temporibus capiemus in parco nostro de Wodestok et in foresta nostra de Wichewud similiter et decimam anguillarum vinariorum nostrorum de Wodestok quotiens avalatio anquillarum contigerit de eisdem vinariis nostris et quod non ponantur in placitum de aliquo tenemento suo quod teneant in dominico suo nisi coram nobis aut capitali justiciario nostro et coram heredibus nostris aut capitalibus justiciariis heredum nostrorum sicut predictum est Hiis testibus H de Burgo comite Kant justiciario Angl Hugone de Nevill Philippo de Allun Radulpho filio Nicholai Godefrido de Craucumb Gileberto Basset Johanne filio Philippi Ricardo filio Hugonis et aliis Data per manum venerabilis patris R Cycestr episcopi cancellarii nostri apud Oxon vicesimo secundo die Januarii anno regni nostri quintodecimo