Charter Document - 05450750
| Charter Number: | 05450750 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1191 - 1192 |
| Date type: | Assigned |
| Resource Link(s): |
|
Charter:
Johnannes comes Moret omnibus amicis suis et hominibus ad quos presens scriptum pervenerit salutem Sciatis me concessisse et hac presenti carta mea confirmasse deo et ecclesie sancte Marie et sancti Johannis baptiste de Godestowe et monialibus ibidem deo servientibus pro salute fratris mei R regis et mea et pro salute anime patris mei H regis et fratris mei H regis dona que predictus pater meus H rex eis dedit scilicet ecclesiam de Wicumba cum omnibus pertinentiis suis et libertatibus et terram quandam in Clera nomine Prevet quam pater meus emit de Manasse de Savervilla pro xxv marcis Quare volo et firmiter precipio quod prefate moniales habeant et teneant predicta dona et quecumque alia possident in terra mea in liberam et perpetuam elemosinam bene et in pace libere et quiete plenarie et honorifice in bosco et plano in pratis et pasturis in aquis et molendinis infra burgum et extra et in omnibus aliis locis et sint omnino quiete et libere et tenentes earum de schiris et hundredis placitis et querelis auxiliis et assisis geldo et denegeldo de murdro et latrocinio de scutagio et hidagio donis et scottis et operationibus castellorum murorum vinariorum fossarum et poncium et summagio carriagio et de wardpeni et tudinpeni et sint quiete per totam terram meam de teloneo et passagio et stallagio et de omnibus aliis consuetudinibus que ad me pertinent sicut carte patris mei et fratris mei testantur Hiis testibus Stephano Ridello cancellario meo Willelmo de Wevenall Rogero de Planes Rogero de Mundevilla magistro Wigano Roberto Rufo Ricardo Aaron