Charter Document - 05450736

Vicesimo septimo die Novembris anno regni regis Edwardi tercii post conquestum quinto convenit inter abbatissam de Godestowe et eiusdem loci conventus ex parte una et dominum Johannem Coleman rectorem ecclesie de Blacton ac dominum Robertum atte Walle de Newenden perpetuum vicarium de Makeseye coniunctim et divisim ex altera ita quod non sit melior conditio unius quam alterius videlicet quod dicti abbatissa et conventus tradiderunt concesserunt et ad firmam dimiserunt dictis domino Johanni et Roberto et executoribus suis a die translationis sancti Thome martiris proxima post diem confectionis presentis usque ad terminum decem annorum extunc proxima sequentium plenarie completorum manerium rectorie de Wicumbe una cum omnibus bladis fenis lanis et agnis redditibus terris et consuetudinibus ac cum omnibus et singulis comoditatibus decimis prefato termino durante dicte rectorie quoquomodo spectantibus contingentibus vel accidentibus exceptis omnibus linis et cambiis dicte ecclesie provenientibus que conventui de Godestowe reservantur Ad quam quidem conventionem fideliter tenendam predicta abbatissa et conventus obligant se et bona sua in maneriis suis ubicumque fuerint inventa districtioni cuiuscumque predictis ecclesiasticis vel secularis Et pro predicta firma predicti Johannes et Robertus supposita pace illius patrie dictum manerium in adeo bono statu sicut illud receperunt sustentabunt et dimittent vel meliori Et cancellum dicte ecclesie sufficienter in omnibus coopertur ad totum terminum antedictum reparabunt exceptis omnibus casibus fortuitis que sibi nec suis possunt inpingi ad quos dicti Johannes et Robertus se non obligant Et dicti abbatissa et conventus invenient grossum meremium omnibus operibus in dicto manerio cum necesse fuerit reficiendum et cooperiendun reddendo inde annuatim durante termino predicto abbatisse et conventui apud Godestowe xx li bone et legalis monete terminis subscriptis videlicet in festo annunciationis beate Marie x li et in festo beate Margarete x li et priori de Bekharlewyne viii li videlicet iiii li in festo sancti Michaelis et iiii li in festo annunciationis beate Marie Soluent etiam curie de Walingford dimidiam marcam per annum et domino Johanni de Cromwell xii d et burgensibus de Wicumbe redditum eis debitum et archidiacono Bokyngh procur Et predicti Johannes et Robertus invenient unum capellanum sumptibus suis cotidie celebrantem in ecclesiam de Wicumbe ad totum terminum antedictum Et dicti Johannes et Robertus solvent singulis annis durante termino predicto iiii marcas abbatisse et conventui de Godestowe que eisdem specialiter asignantur videlicet ad festum omnium sanctorum solvendas et iiii solidatas artocoporum predictis abbatisse et conventui specialiter assignatorum videlicet ad festum sancti Jacobi solvendas Et quod abbatissa in quolibet adventu suo habeat aysiamenta domorum in dicto manerio Et dicti Johannes et Robertus finito termino predicto terras dicti manerii illo anno seminandas ut boni patresfamilias seminabunt et eas sic seminatas in manus dicte abbatisse et conventus liberabunt Et si minus de quarterio ultimo anno termini predicti seminaverint quam anno confectionis presentis fuerint seminati de residuo seminis dicte abbatisse et conventui satisfacient Et predicti Johannes et Robertus cariare facient dictos artocopos usque Godestowe sumptibus suis Et si contingat dictos Johannem et Robertum dictam solutionem in parte vel in toto ut predictum est ultra mensem post certos terminos superius scriptos detinere vel in solutione deficere liceat dictis abbatisse et conventui dictum manerium rectorie intrare et bona ibidem inventa ministrare retinere et vendere prout sibi melius viderint expedire quousque eisdem plenarie fuerit satisfactum de solutione predicta ut predictum est una cum omnibus misis et expensis habitis occasione vel defectu dictorum Johannis et roberti vel executorum suorum Ad quam quidem solutionem et conventionem in omnibus suis articulis fideliter observandis predicti Johannes et Robertus obligant se et unumquemque eorum in solid et executores suos omnia bona sua mobilia et immobilia terras et tenementa sua ubicumque fuerint inventa tam in predicto manerio quam alibi districtioni et cohercioni dictorum abbatisse et conventus et quorumcumque judicum tam secularium quam ecclesiasticorum Et finito termino decem annorum predictum manerium rectorie de Wicumbe dictis abbatisse et conventui plenarie revertatur In cuius rei testimonium presentibus scriptis ad modum cirographi indentatis partes predicte sigilla sua alternatim apposuerunt Data apud Godestowe die et anno supradictis