Charter Document - 05450731
| Charter Number: | 05450731 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus Warin consensu et assensu Sarre uxoris mee et heredum meorum dedi concessi et hac presenti carta me confirmavi abbatisse et conventui de Godestowe xii d annui redditus in villa Wicumbie super feudum predicte abbatisse scilicet de tenemento quod Johannes Niger de me tenuit quod iacet inter tenementum quod Alicia Clement tenuit et tenementum quod Symon Alecod aliquando tenuit habendos et tenendos de me et de heredibus meis predicte abbatisse et conventui et eorum successoribus jure hereditario quiete pacifice cum toto jure et clamio quod ego vel aliquis heredum meorum habuimus vel habere potuimus inperpetuum reddendo annuatim michi et heredibus meis predicta abbatissa et conventus unum clavum gariophili ad pascha domini pro omnibus servitiis consuetudinibus et demandis Pro hac autem donatione et concessione et presentis carte mee confirmatione predicta abbatissa et conventus dederunt michi ix s argenti premanibus Et ego predictus Robertus Warini et heredes mei warantizabimus et defendemus predictos xii d annui redditus predicte abbatisse et conventui de Godestowe et eorum successoribus per predictum servitium contra omnes homines et feminas christianos et iudeos inperpetuum In cuius rei testimonium presentem cartam sigillo meo roboravi Hiis testibus Willelmo filio Walderi Thoma Walder Willelmo de Luda Johanne de Ibernia Symone de Santdon Willelmo de Puderuge Gileberto Godeman Ricardo clerico et aliis