Charter Document - 05450730
Charter Number: | 05450730 |
---|---|
Cartulary Title: | The Latin Cartulary of Godstow Abbey |
Charter Language: | Latin |
Charter Origin: | Religious |
Charter Type(s): | Grant |
Date: | 1259 - 1271 |
Date type: | Assigned |
Resource Link(s): |
|
Charter:
Sciant presentes et futuri quod ego Simon de Saunterdon dedi concessi et hac presenti carta mea confirmavi deo et ecclesie beate Marie et sancti Johannis baptiste de Godestowe et monialibus ibidem deo servientibus et inperpetuum servituris pro salute anime mee et Matildis uxoris mee antecessorum et successorum nostrorum quamdam domum in villa de Wicumbe scilicet illam domum que sita est inter domum quam Ricardus le archer quondam tenuit et domum quam David faber quondam tenuit cum toto prato iacente ultra aquam scilicet illud pratum quod predictus Simon emit de filio Walteri Buket sicut semite ex utraque parte se continent et proportant cum omnibus suis ubique pertinentiis habendam et tenendam predictis sanctimonialibus et earundem successoribus inperpetuum faciendo inde capitalibus dominis feodis servitium debitum et consuetum scilicet ad festum sancti Michaelis xvi d et obolum et ad festum beate Marie in Marcio xvi d et obolum pro omni servitio exactione et demanda Ego vero predictus Simon et heredes mei vel mei assignati predictam domum et pratum cum omnibus suis ubique pertinentiis predictis sanctimonialibus et earundem successoribus contra omnes mares et feminas warantizabimus et pro predicto servitio defendemus et acquietabimus inperpetuum Et quia volo quod hec mea donatio concessio et presentis carte mee confirmatio rata et stabilis permaneat hanc presentem cartam sigilli mei inpressione roboravi Hiis testibus domino Philippo Basset domino W tunc magistro de Godestowe Willelmo de le Lude Thoma Wauder Johanne de Irlande Willelmo de Puteruge Odone clerico de Godestowe et aliis