Charter Document - 05450725
| Charter Number: | 05450725 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Andreas filius Willelmi karectarii dedi concessi et hac presenti carta mea confirmavi Simoni de Santerdun unum mesuagium cum omnibus pertinentiis suis in villa Wicumbe quod jacet inter mesuagium quod David faber tenuit et mesuagium quod Ricardus archer tenuit sicut mete et divise docent et proportant habendum et tenendum de me et heredibus meis predicto Simoni et heredibus suis et suis assignatis hereditarie libere quiete et integre inperpetuum cum toto iure quod in eodem mesuagio habui vel habere potui vel quod michi aliquo modo descendere possit reddendo inde annuatim michi et heredibus meis ii s et ix d ad duos terminos anni scilicet ad festum sancti Michaelis xvi d et obolum et ad festum sancte Marie in Marcio xvi d et obolum pro omnibus servitiis et omnimodis demandis Et ego Andreas et heredes mei warantizabimus predictum mesuagium cum omnibus pertinentiis suis prefato Simoni et heredibus suis et suis assignatis contra omnes homines et omnes feminas tam judeos quam christianos inperpetuum Pro hac autem donatione concessione et warantizatione dedit michi predictus Simon ix marcas argenti in gersumma Et quia volo quod hec donatio et concessio rata consistat presentem cartam sigillo meo roboravi Hiis testibus domino Galfrido Neirunt Willelmo filio Wauderi Waltero de Puderug Thoma Wauder Willelmo Tabbe Ricardo clerico Gervasio draper Roberto de Eselburg Waltero mercatore Waltero Bil Hervico filio Willelmi Gregorio lanario et aliis multis