Charter Document - 05450723
| Charter Number: | 05450723 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1250 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Matilda que fui uxor Simonis Alecod in viduitate mea et libera potestate mea remisi ac quietum clamavi Simoni de Santerdone totum ius et clamium quod habui vel quod habere potui in mesuagio illo super feudum abbatisse de Godestowe in villa Wicumbie quod michi cecidit nomine dotis ex parte predicti Symonis Alecod viri mei quod mesuagium jacet inter viam que ducit ad domum Johannis de Hibernia et mesuagium quod Willelmus Walder tenuit habendum et tenendum dicto Simoni de Santerdune et heredibus suis vel suis assignatis libere quiete pacifice pro me inperpetuum Pro hac autem remissione et quieta clamatione dedit michi predictus Symon i marcham argenti Et quod ego Matilda nec aliquis pro me nichil juris nec clamii in predicto mesuagio exigere amodo non poterimus presenti scripto sigillum meum apposui Hiis testibus Willelmo Walder Thoma Walder Johanne de Hibernia Willelmo de Puderuge Gileberto Godeman Ricardo Warin et aliis