Charter Document - 05450722
| Charter Number: | 05450722 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Symon Aletod dedi concessi et hac presenti carta mea confirmavi Simon de Santerdun pro servitio suo unam peciam terre cum pertinentiis in villa de Wycumb super feudum abbatisse de Godestowe scilicet illam peciam terre que iacet in latitudine inter tenementum quod Robertus filius Warini tenuit et tenementum quod Willelmus Hoso quondam tenuit et extendit se in longitudine a tenemento predicti Simonis Aletod usque ad tenementum quod Johannes Goldee tenuit habendam et tenendam de me et heredibus meis predicto Symoni et heredibus suis vel cuicumque illam assignare voluerit libere et quiete jure hereditarie integre bene et in pace cum omnibus pertinentiis suis sicut mete et divise docent et proportant reddendo inde annuatim michi et heredibus meis unum obolum ad natale domini pro omnibus servitiis consuetudinibus sectis curie et omnibus demandis secularibus Et ego predictus Symon Aletod et heredes mei warantizabimus predictam peciam terre cum omnibus pertinentiis suis predicto Simoni de Santerdun et heredibus suis vel suis assignatis contra omnes homines et omnes feminas scilicet judeos et christianos inperpetuum Pro hac autem donatione et concessione confirmatione et warantia dedit michi predictus Simon de Santerdun dimidiam marcam argenti premanibus In cuius autem rei testimonium hanc presentem cartam meam sigillo meo roboravi Hiis testibus Willelmo Walderi Thoma Walderi Willelmo Talbe Waltero de Puderug Gervasio draper Roberto filio Warini Johanne Golde Gilberto Godeman Johanne de Ponte clerico et aliis