Charter Document - 05450717
| Charter Number: | 05450717 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus Warin consensu et assensu Sarre uxoris mee et heredum meorum dedi concessi et hac presenti carta mea confirmavi abbatisse et conventui de Godestowe xiiii denarios annui redditus super feudum predicte in villa Wicumbie scilicet de tenemento quod Johannes Niger de me tenuit quod iacet inter tenementum quod Alicia Clement tenuit et tenementum quod Symon Aledod tenuit xii denarios scilicet ad festum sancti Michaelis vi denarios et ad festum sancte Marie et Marcio vi denarios et de tenemento quod Willelmus le Pruce quondam tenuit quod iacent iuxta tenementum meum ex parte orientali ii denarios ad duos terminos predictos habendos et tenendos de me et heredibus meis predicte abbatisse et conventui et earum successoribus jure hereditario libere quiete pacifice cum toto jure et clamio quod ego vel aliquis heredum meorum habuimus vel habere potuimus inperpetuum reddendo annuatim michi et heredibus meis predicta abbatissa et conventus unum clavum gariofili ad pascha domini pro omnibus servitiis consuetudinibus et de mandis Pro hac siquidem donatione et concessione predicta abbatissa et conventus dederunt michi x solidos et vi denarios argenti per manibus Et ego predictus Robertus Warin et heredes mei warantizabimus acquietabimus et defendemus predictos xiiii denarios annui redditus predicte abbatisse et conventui de Godestowe et earum successoribus contra omnes homines et feminas christianos et iudeos inperpetuum In cuius rei testimonium presentem cartam sigillo meo roboravi Hiis testibus Willelmo filio Walteri Thome Walter Willelmo de Luda Johanne de Hibernia Symone de Santdune Willelmo de Puderuge Gileberto Godeman Ricardo Warin et aliis