Charter Document - 05450715
| Charter Number: | 05450715 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1295 - 1304 |
| Date type: | Assigned |
| Resource Link(s): |
|
Charter:
Alicia permissione divina abbatissa de Godestowe et eiusdem loci conventus omnibus hominibus presentibus et futuris presentem cartam specturis vel audituris salutem in domino sempiternam Notum sit universitati vestre nos unanimi assensu et consensu dedisse concessisse et hac presenti carta nostra confirmasse Willelmo dicto le May de Wicumbe unam domum et unum curtilagium de feodo nostro in villa de Wicumbe cum pertinentiis que domus et curtilagium jacent in suburbio de Wicumbe extra burgum inter stratam versus occidentem et rivulum qui dividit predictum burgum et forinsecum et se extendit in longitudine a tenemento Henrici tinctoris versus austrum usque ad feodum domini Hugonis le Despenser versus aquilonem sicut mete et divise circumquaque docent et proportant habendos et tenendos de nobis et successoribus nostris prefato Willelmo le May et heredibus suis et assignatis suis quibuscumque libere quiete integre pacifice et hereditarie imperpetuum reddendo inde annuatim nobis et successoribus prefatus Willelmus et heredes sui sive sui assignati ii s ad duos terminos anni videlicet ad festum beate Marie in Marcio xii d et ad festum sancti Michaelis xii d pro omnibus secularibus servitiis consuetudinibus sectis curiarum exactionibus et demandis ita quod dictus Willelmus et heredes sui vel eorum assignati sustinebunt in eternum predictam domum vel aliam super predictum feodum nostrum sufficientem ad namiandum et distringendum pro predicto redditu et eius areragiis si qua esse contingerint Et nos abbatissa et conventus et successores nostre predictam domum et curtilagium cum pertinentiis prefato Willelmo et heredibus suis et assignatis suis versus omnes gentes warantizabimus acquietabimus et defendemus imperpetuum In cuius rei testimonium presenti carte in modum cyrographi confecte sigillum nostrum apposuimus commune cuius alteri parti dictus Willelmus sigillum suum apposuit Hiis testibus Rogerus Outred Galfrido de Austeburwe Johanne Gregor Galfrido de la Reye Wilelmo Ouiet Gileberto Bruet Galfrido clerico et aliis