Charter Document - 05450712
| Charter Number: | 05450712 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1269 - 1278 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rogerus Blundus de Wicumbe dedi concessi et hac presenti carta mea confirmavi domine Ysode de Dureham dei gratia abbatisse de Godestowe et eiusdem loci conventui unam bigalem viam in villa de Wicumbe que iacet inter tenementum dicte abbatisse et tenementum quod aliquo tempore tenuit Robertus le taylour et extendit se in longitudine a venella que ducit versus Croynden usque ad grangiam meam propriam sicut mete et divise circumquaque docent et proportant habendam et tenendam predictam bigalem viam cum pertinentiis suis de me et heredibus meis vel de meis assignatis predictis domine abbatisse et eiusdem loci conventui et eorum successoribus libere quiete plenarie et integre bene et in pace iure hereditario in perpetuum reddendo inde annuatim michi et heredibus meis unum clavum gariophili a pascha pro omnibus secularibus servitiis consuetudinibus sectis curiarum et demandis Et ego Rogerus Blundus et heredes mei vel mei assignatis warantizabimus acquietabimus et defendemus inperpetuum predictam bigalem viam cum pertinentiis suis predictis domine abbatisse et eiusdem loci conventui et eorum successoribus contra omnes gentes pro servitio predicto Pro hac autem donatione confirmatione et warantia dederunt michi predicta abbatissa de Godestowe et eiusdem loci conventus dimidiam marcam argenti premanibus in gersummam In cuius rei testimonium presentem cartam inpressione sigilli mei roboravi Hiis testibus Thoma Wauder Rogero Huttred Willelmo pannario Simone de Hybernia Nicholao de Cantia et aliis