Charter Document - 05450711
| Charter Number: | 05450711 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1307 |
| Date type: | Internal, Regnal, Feast |
| Resource Link(s): |
|
Charter:
Omnibus Christi fidelibus ad quos presentes littere pervenerint Stephanus Agoth salutem Noverit universitas vestra quod cum Matilidis permissione divina abbatissa de Godestowe me implacitasset in curia domini regis per breve quod vocatur cessavit per biennium pro arreragiis redditus cuiusdam tenementi in villa de Wycumbe quod de ipsa abbatissa tenuissem in Irlaundes Lane illud tamen tenementum cum omnibus pertinentiis suis ex certis de causis videlicet tam pro arreragiis reddituum et sectis curiarum quam pro aliis servitiis inde a retro existentibus predicte Matildi abbatisse sine ullo retenemento iuris vel dominii de cetero reddo et quietum clamo omnino de me et heredibus meis inperpetuum ita quod nec ego nec aliquis nomine meo in predicto tenemento ius vel clamium exigere poterimus quoquomodo In cuius rei testimonium presentibus sigillum meum apposui Hiis testibus Rogero Houtred tunc maiore Ricardo le hurlere Gervasio le bakere Roberto le poner Willelmo ate Lythe et aliis Data apud Wicumbe die purificationis beate Marie anno regni regis Edwardi tricesimo quinto