Charter Document - 05450709
| Charter Number: | 05450709 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1275 - 1325 |
| Date type: | Assigned |
| Resource Link(s): |
|
Charter:
Sciant presentes et futuri quod ego Thomas de le Lude dedi concessi et hac presenti carta mea confirmavi domine abbatisse de Godestowe et eiusdem loci conventui quoddam tenementum cum omnibus libertatibus et pertinentiis suis in villa de Wicumbe quod aliquo tempore tenuit Robertus le taylour et extendit se in longitudine a via regia que vocatur Croyendenlane versus orientem usque ad grangiam dicte abbatisse versus occidentem et in latitudine a via versus grangiam dicte abbatisse a parte boriali usque ad viam Rogeri le Blund a parte australi et abuttat se contra tenementum quod aliquo tempore tenuit Lutecane et tenementum quod aliquo tempore tenuit Willelmus le furner et tenementum Johannis le cluter versus austrum sicut mete et divise circumquaque docent et proportant habendum et tenendum de me et heredibus meis predicte abbatisse et eiusdem loci conventui et eorum successoribus sive assignatis libere quiete plenarie et integre bene et in pace iure hereditario inperpetuum reddendo inde annuatim michi et heredibus meis vel meis assignatis i d ad festum sancti Michaelis pro omnibus secularibus servitiis consuetudinibus sectis curiarum et demandis Et ego Thomas de la Lude et heredes mei vel mei assignati warantizabimus acquietabimus et defendemus inperpetuum predictum tenementum cum omnibus suis pertinentiis predicte abbatisse de Godestowe et eiusdem loci conventui et eorum successoribus sive assignatis contra omnes gentes tam iudeos quam christianos Pro hac autem donatione concessione et warantia dedit michi predicta abbatissa x s premanibus in gersumma In cuius rei testimonium presentem cartam impressione sigilli mei roboravi Hiis testibus Rogero Huttred tunc maiore Thoma Waud Hervico filio Willelmi Willelmo le draper Willelmo aurifabro Simone de Hybernia Edmundo Poynaunt Benedicto Bil Reginaldo cupario Ada de Hanlee Roberto clerico et multis aliis