Charter Document - 05450708
| Charter Number: | 05450708 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1305 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus presens scriptum visuris vel audituris Matilda permissione divina abbatissa de Godestowe et eiusdem loci conventus eternam in domino salutem Noveritis nos unanimi assensu nostro et concensu dedisse et concessisse et per presentem scriptum confirmasse Willelmo filio Ricardi Simple de Clysthon unam peciam terre cum fossis et sepibus adiacentibis et cum aliis omnibus pertinentiis suis superius de la Ludewat in parochia de Wicumbe ex parte australi et abbuttat unum capud ad terram domini Roberti Fineel ex parte occidentalis et aliud capud ad boscum priorisse de Merlaue ex parte orientali et sicut cetere mete et divise undique condonant et proportant habendas et tenendas de nobis et successoribus nostris totam predictam terram fossas et sepes adiacentes cum omnibus aliis pertinentiis suis predicto Willelmo filio Ricardi Simple ad vitam suam tam libere quiete integre bene et in pace reddendo inde annuatim nobis et successoribus nostris vi d scilicet ad festum sancti Michaelis iii d et ad festum beate Marie in Marcio iii d pro omnibus secularibus servitiis et demandis Et nos predicta Matilda et conventus et successoribus nostros totam predictam peciam terre fossas et sepes cum omnibus pertinentiis suis predicto Willelmo et ad vitam suam contra omnes gentes warantizabimus aquietabimus et pro predicto servitio defendemus In cuius [rei] testimonium presenti scripto [sigillum] apposuimus Hiis testibus Willelmo Danvers Johanne de la Lude Thoma Croweltone et aliis Data apud Godestowe die veneris in crastino sancti Johannis baptiste anno regni regis Edwardi tricesimo tercio