Charter Document - 05450706
| Charter Number: | 05450706 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1275 - 1325 |
| Date type: | Assigned |
| Resource Link(s): |
|
Charter:
Sciant presentes et futuri quod ego Vincentius Menge de Wicumbe dedi concessi et hac presenti carta mea confirmavi deo et ecclesie beate Marie et sancti Johannis baptiste de Godestowe et monialibus ibidem deo servientibus et inperpetuum servituris unam placiam de tenemento meo in villa de Wicumbe que continet in longitudine octo perticas et decem pedes et in latitudine ad extremitatem suam versus tenementum predicti Vincentii Menge quatuor perticas et quatuor pedes et unam perticam ad aliam extremitatem et se extendit a tenemento Ade le gluter ex parte occidentali linialiter sicut mete se habent usque ad tenementum Johannis dicti militis ex parte orientali habendam et tenendam totam predictam placiam cum omnibus suis pertinentiis de me et heredibus meis vel meis assignatis predictis monialibus et earundem successoribus libere quiete bene et integre inperpetuum in puram et perpetuam elemosinam Et ego predictus Vincentius Menge et heredes mei vel mei assignati totam predictam placiam sicut predivisim est cum omnibus suis pertinentiis predictis monialibus et earundem successoribus nostris propriis sumptibus contra omnes homines mares et feminas warantizabimus acquietabimus et defendemus inperpetuum Et ut hec autem mea donatio concessio warantizatio defensio et presentis carte mee confirmatio rata stabilis et inconcussa permaneat inperpetuum et robur firmitatis optineat hanc presentem cartam sigilli mei inpressione roboravi Hiis testibus Thoma Wader Rogero Hutred tunc maiore Wycumbe Rogero Albo Willelmo aurifabro Herevico Nicholao de Kent Rogenaldo cupario Benedicto Bil Henrico Agod Odone tunc vicario de Wicumbe et aliis