Charter Document - 05450701
| Charter Number: | 05450701 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1250 - 1275 |
| Date type: | Assigned |
| Resource Link(s): |
|
Charter:
Omnibus hominibus presentibus et futuris presentem cartam inspecturis vel audituris Willelmus filius et heres Thome Wauder de Wicumbe salutem in domino Cum dictus Thomas pater meus dederit aliquo tempore abbatisse et conventui de Godestowe quatuor solidatas annui et quieti redditus cum pertinentiis in burgo de Wicumbe videlicet de tenemento Cristemesse in vico qui dicitur Binuchebrugge iii s et de mesuagio Rogeri le cordevaner in eodem vico xii d noveritis me eandem donationem concessisse et hac presenti carta mea confirmasse pro me et heredibus habendam et tenenedam prefatis abbatisse et conventui et earum successoribus libere quiete plenarie pacifice et integre inperpetuum ut liberam puram et perpetuam elemosinam In cuius rei testimonium presenti carte sigillum apposui Hiis testibus Rogero Outred Willelmo drapario Willelmo aurifabro Ade de Guldeford Johanne Bil Ricardo de Sandewell Waltero tintore Rogero le cordvaner Galfrido clerico et aliis