Charter Document - 05450700
| Charter Number: | 05450700 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus Walder concessi et confirmavi pro me et heredibus meis donationem quam Adam Walder frater meus fecit abbatisse et conventui de Godestowe de tenemento quod Walderus pater meus tenuit in Froggemor et de tenemento quod Gervasius Lutered tenuit Et ego Willelmus Walder et heredes mei warantizabimus predicta tenementa cum omnibus pertinentiis suis predictis abbatisse et conventui de Godestowe contra omnes homines mares et feminas inperpetuum Et ut hec mea concessio confirmatio et warantizatio firma et stabilis permaneat inperpetuum presenti scripto sigillum meum apposui Hiis testibus Waltero de Puderigge Rogero Menge Ricardo de Sobinton Ricardo de Horlingel Gilberto de Hybernia Roberto de Eselburgh Johanne de Dustelburgh et aliis