Charter Document - 05450698

Omnibus Christi fidelibus presentibus et futuris Amphelisia abbatissa et conventus de Godestowe salutem Noveritis quod ad preces Ade Walderi de Wicumbe concessimus et promisimus deo et beate Marie et omnibus sanctis et dicto Ade caritatis intuitu quod nos et omnes successores nostri exhibebimus in villa Wicumb inperpetuum super sumptus nostros unum sacerdotem idoneum qui ministerium sacerdotale videlicet missam commendationem placebo et dirige jugiter celebrabit precipue pro animabus Walderi de Wicumbe et Aline uxoris sue et pro anima Ade Walderi et Agnetis uxoris sue et communiter pro omnibus fidelibus vivis ac defunctis nec alicui alii quam hiis quatuor nominatis specialiter se obligabit set in omnibus orationibus et beneficiis suis pro ipsis apud deum intercedet et in principio omnium missarum suarum publice rogabit circumstantes orare pro ipsis Et hec et alia quecumque in hoc scripto contenta ipsum sacerdotem contingunt quicumque pro tempore in dicto officio statuetur coram bonis viris et gravibus in Wicumbe publice in verbo dei promittet pro posse suo se observaturum Et si ita contigerit quod per mortem vel infirmitatem vel per aliam occasionem predicti sacerdotis predictum servitium impediatur nos apud Godestowiam per aliquem capellanorum nostrorum defectum predicti servitii supplebimus donec infra duos menses ibidem capellanus idoneus substituatur Admittimus insuper perpetuo eosdem dictos viros et eorum animas in omnes orationes nostras et beneficia nostra Et nos exhibebimus predicto sacerdoti inperpetuum in Wicumb sufficienter victum et vestitum et domum et omnia sibi necessaria Et dictus Adam dedit nobis in auxilium sustentationis illius sacerdotis domicilium in quo pater suus Walderus mansit in Wicumbe cum pertinentiis salvo servitio capitalium dominorum scilicet ii s per annum et tenementum quod Gervasius Lutered tenuit cum pertinentiis suis quod iacet inter predictum domicilium quod Walterus pater dicti Ade tenuit et regiam stratam salvo servitio capitalium dominorum scilicet ii s per annum et i d heredibus eiusdem Gervasii et vi mesuagia que iacent ex opposito molendini quod Willelmus filius Henrici tenuit cum pertinentiis salvis servitiis dominorum [scilicet] xii d ad templum et viii d domino Wicumb et ii seldas in foro Wicumb cum pertinentiis que iacent inter seldas quas Robertus de Crouden tenuit et seldam quam Robertus Buth tenuit salvo servitio capitalium dominorum scilicet iiii s per annum et redditus xx s in eadem villa scilicet iii s de mesuagio quod Walterus de Puderugia tenuit quod mesuagium iacet inter mesuagium quod Clemens faber tenuit et mesuagium quod Thomas Budekin tenuit et ii s et x d de mesuagio quod Simon tannarius tenuit de dicto Adam quod mesuagium iacet inter mesuagium quod Robertus de Hugenden tenuit et mesuagium quod idem Simon tenuit et vi d de mesuagio quod dictus Simon tenuit quod iacet inter mesuagium quod Adam tannarius pater ipsius Simonis tenuit et mesuagium quod Luteman tenuit et xvi d de mesuagio quod Walterus Wat tenuit quod iacet inter mesuagium quod Ricardus Rechel tenuit et mesuagium quod Galfridus tannarius tenuit et iii s de mesuagio quod Robertus Calier tenuit quod iacet inter mesuagium quod Ricardus plumbarius tenuit et aquam que dicitur Gutere et iiii s de mesuagio quod Rogerus le Sire tenuit quod iacet inter mesuagium quod Thomas filius Petri tenuit et regiam stratam et iiii d de mesuagio quod Andreas cultellarius tenuit quod fuit Radulphi le Dede et ii s de una selda quam Ricardus de Sobinton tenuit que iacet inter seldam quam Robertus pictor tenuit et seldam quam Willelmus Walderi tenuit in foro et vi d de quodam mesuagio quod idem Ricardus tenuit quod iacet inter mesuagium quod Thomas lanarius tenuit et mesuagium quod Rogerus de Riseburgia tenuit et ii s de mesuagio quod Adam le mercer tenuit quod iacet inter mesuagium quod Alexander Cimiz tenuit et aliud mesuagium quod idem Adam le mercer tenuit et vi d de mesuagio quod Radulphus Tropinel tenuit quod iacet inter mesuagium quod Gafridus cultellarius tenuit de hospitali sancti Johannis et mesuagium quod Johannes Clut tenuit Et ego Amphelisa et omnes abbatisse michi succedentes inveniemus inperpetuum de predictis redditibus conventui nostro annuatim infra octabas sancti Michaelis quandam pitantiam dimidie marce et quocumque die data fuerit pitantia eodem die plenarie faciemus servitium pro animabus predictorum At aliquo die septimane eiusdem fiet servitium plenarie in ecclesia de Wicumbe pro animabus eorundem Et dictus Adam filius Walderi assignavit vi d annuatim de redditu vicarie eiusdem ecclesie ad pitantiam de mesudagio quod Robertus cornmonger tenuit quod iacet inter mesuagium quod Abel cultellarius tenuit et mesuagium quod Jordanus molendinarius tenuit Hec autem tenementa predicta cum pertinentiis et cum predictis redditibus dictus Adam et heredes sui warantizabunt nobis et successoribus nostris contra omnes homines et feminas inperpetuum Et ego Amphelisia et omnes abbatisse michi succedentes et conventus noster warantizabimus predictam concessionem et promissionem predicto Ade et heredibus suis et eius assignatis contra omnes homines et feminas Et ad huius totius nostre promissionis confirmationem huic scripto sigillum nostrum apposuimus Hiis testibus Matheo archidiacono Bukingeh Martino abbate de Messenden magistro Silvestro de Menes Huberto vicario de Wicumbe Gilberto capellano de hospitali de Wicumbe Willelmo Waleri Waltero de Puderug Hunfrido de Dun Thoma Waldi Simone tannario Rogero Menge Ricardo de Sobinton Willelmo Tabbe Ricardo de Hornigele Ricardo clerico et aliis