Charter Document - 05450691
| Charter Number: | 05450691 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1254 |
| Date type: | Internal, A.D., Feast |
| Resource Link(s): |
|
Charter:
Omnibus ad quos presens scriptum pervenerit Robertus dei permissione abbas Becci et eiusdem loci conventus salutem in domino Noveritis nos ratam habere compositionem ivitam inter fratrem Willelmum de Guynevill procuratorem nostrum in Angl generalem ex parte una et religiosas mulieres abatissam et moniales de Godestowe ex altera super decimas tam maioribus quam minoribus quas habeamus in parochia de Wicumbe cum x et viii s quos percipere consuevimus nomine decime de scaccario domini regis quas dictus procurator noster tradidit prefatis monialibus ad firmam perpetuam pro xii marcis bonorum et legalium sterlingorum solvendis bene et integre singulis annis a dictis monialibus procuratori nostro qui pro tempore fuerit vel eius servienti apud Okeburne Maiorem inperpetuum ad duos anni terminos videlicet in festo beati Michaelis vi marcis et in festo annunciationis beate Marie virginis vi marci ita quod si dicte moniales in solutione dicte firme aliquo terminorum predictorum defecerint in toto vel in parte pro singulis septimanis in quibus cessatum fuerit solvent dicte moniales procuratori nostro unam marcam nomine pene qua commissa et soluta salva sit nobis petitio debiti principalis Et in hoc casu sit electio nostra vel agere ad penam vel rescindere compositionem predictam et predictas decimas cum x et viii s predictis ad manum nostram et ius nostrum revocare Dictam autem compositionem sub forma predicta ratam habentes eam confirmavimus et presenti scripto et sigillorum nostrorum munimine robravimus Actum anno domini MCC quinquagesimo quarto mense junio termino dicte firme incipiente anno eodem in festo beatorum apostolorum Petri et Pauli