Charter Document - 05450677
| Charter Number: | 05450677 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Universis presens scriptum audituris Simon Luvellus salutem eternam in domino Ad universitatis vestre notitiam volo pervenire me divini amoris intuitu concessisse et dedisse ecclesie beati Johannis baptiste de Godestowe et monialibus deo ibidem servientibus illam dimidiam virgatam terre in Uffecote cum omnibus pertinentiis suis quam Walterus filius Gunnilde dedit michi pro homagio et servitio meo habendam et tenendam inperpetuum de me et heredibus meis dicte domui de Godestowe et monialibus illuc commorantibus ita libere et quiete ab omnibus sicut ego Simon Luvellus eam tenui Et ut donum istud ratum permaneat et inconcussum presentis scripti munimine cum sigilli mei appositione illud communivi Hiis testibus Petro de Meyroles Thoma de Uffecote Michael de Worftun Hugone Hose Thoma de Worfton camerario Philippo Luvello clerico