Charter Document - 05450676
| Charter Number: | 05450676 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1225 - 1275 |
| Date type: | Assigned |
| Resource Link(s): |
|
Charter:
Sciant presentes et futuri quod ego Simon Lovel filius Willelmi Lovel dedi concessi et hac presenti carta mea confirmavi deo et beate Marie et ecclesie beate Johannis baptiste de Godestowe et monialibus ibidem deo servientibus pro salute anime mee et anime patris mei et matris mee necnon et animabus fratrum et sororum mearum totam terram cum capitali mesuagio et cum omnibus aliis pertinentiis quam quondam emi et habui in villa de Uffecote de Roberto Toky scilicet quatuor virgatas terre habendas et tenendas sibi et successoribus de me et heredibus meis vel assignatis libere quiete pacifice et integre cum omnibus libertatibus et liberis consuetudinibus ut in aquis molendinis moris et pascuis viis et semitis pratis et piscariis boscis et planis ad predictam terram pertinentibus reddendo inde annuatim michi et heredibus meis vel assignatis xii d sterlingorum ad pasca et faciendo pitantiam v s dicto conventui eiusdem loci die anniversarii mei et quicquid superierit de fructibus et proventibus dicte terre in usus coquine dicti conventus convertatur pro omni servitio exactione vel demanda ad me vel heredes meos spectante Et ego Simon Lovel et heredes mei vel assignati predictam terram cum omnibus pertinentiis suis sicut predictum est dicte ecclesie et monialibus eiusdem loci contra omnes homines mares et feminas warantizabimus inperpetuum Ut autem hec mea donatio et concessio rata et stabilis maneat inperpetuum presenti carte sigillum meum apposui Hiis testibus domino Philippo Lovel domino W de Torney domino Ricardo de Henton domino Willelmo de Caln domino Ricardo Pipard domino Rogero de Wytham domino Willelmo de Suffecorth Roberto Blueth Willelmo de Bordevil Johanne de Cardevil Henrico de Blancoll et allis