Charter Document - 05450670
| Charter Number: | 05450670 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1310 |
| Date type: | Internal, Feast, Regnal |
| Resource Link(s): |
|
Charter:
Universis Christi fidelibus ad quorum noticiam presentes littere pervenerint Matilda permissione divina abbatissa de Godestowe et eiusdem loci conventus salutem in domino sempiternam Noverit universitas vestra nos concessisse et dimisisse Roberto dicto le Yunghe de Trillawe octo acras terre arabilis cum omnibus suis pertinentiis in Tywe Magna quarum una acra iacet in Peseslade due acre iuxta le Wodeweye una acra apud le Elrevestowe dimidia acra apud Schrinelowe una acra in le Cletilond una acra apud Haliwellelake una acra ex parte occidentali de Portweye et una dimidia acra iacet apud le Wodeweye habendas et tenendas predicto Roberto ad totam vitam suam predictas octo acras terre cum omnibus pertinentiis suis libere quiete integre bene et in pace reddendo inde annuatim nobis et successoribus nostris ii s sterlingorum ad quatuor anni terminos videlicet ad festum sancti Michaelis vi d ad festum sancti Thome apostoli vi d et ad festum annunciationis beate Marie virginis vi d et ad festum sancti Johannis baptiste vi d pro omni seculari servitio exactione et demanda Et nos predicti abbatissa et conventus et successores nostri predictas octo acras terre cum omnibus suis pertinentiis ut premittitur predicto Roberto quoad vixerit contra omnes warantizabimus acquietabimus et defendemus Post decessum vero ipsius Roberti tota predicta terra cum pertinentiis ad nos et successores nostros libere et integre et sine cuiuscumque contradictione revertatur In cuius rei testimonium tam nos predicti abbatissa et conventus quam dictus Robertus huic scripto indentato sigilla nostra alternatim apposuimus Hiis testibus Radulpho de Pratell Hugone de Barton Roberto de Craunford Stephano de Pratell Ricardo de Bray de Orton et multis aliis Data apud Godestowe die mercurii proximo ante dominicam in ramis palmarum anno regni regis Edwardi filii regis Edwardi tercio