Charter Document - 05450668
| Charter Number: | 05450668 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 - 1325 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus le Franckeleyne de Magna Tywe dedi concessi et hac presenti carta mea confirmavi Johanni de la Lake de eadem et Isabelle uxori sue et eorum heredibus sive eorum assignatis quinque acras et dimidiam acram terre arrabilis cum omnibus ubique pertinentiis in campis de Magna Tywe quarum una acra jacet in campo australi apud Scrobbus iuxta terram Johannis Lancelyn et una acra iacet que extendit ultra Swytewelle Slade iuxta terram Ricardi Alverich et una acra jacet super Swytewellehulle iuxta terram Alani bercarii et una iacet super Wastaneshulle propinquior Sanford et dimidia acra iacet in campo occidentali super Voxlowesforlonge iuxta terram Willelmi Germyn et dimidia acra jacet in eodem campo in to Hollewelle Lake iuxta terram Ricardi Elverich a parte solari et dimidia acra iacet in eodem campo apud Merwelle inter terram Roberti Hykeman et terram Alicie ate Pole et unum capud tendit in Merwelle Lake habendam et tenendam totam predictam terram cum omnibus pertinentiis de me et de heredibus meis vel meis assignatis predicto Johanni et dicte Isabelle uxori sue et eorum heredibus inter eos procreatis vel eorum assignatis inperpetuum libere et quiete bene et in pace iure et hereditario dare legare invadiare vel assignare cuicumque et quandocumque in quocumque tempore voluerint reddendo inde annuatim michi et heredibus meis vel meis assignatis predictus Johannes et dicta Isabella et eorum heredes sive assignati unum obolum ad pascha pro omnibus servitiis secularibus sectis cuiuscumque curie et omnibus aliis demandis Pro hac autem donatione concessione et presentis carte mee confirmatione dederunt michi dictus Johannes et dicta Isabella iii marcas sterlingorum premanibus Et ego vero dictus Ricardus le Franckeleyne et heredes mei vel mei assignati totam predictam terram cum omnibus ubique pertinentiis dicto Johanni et dicte Isabelle et eorum heredibus inter eos procreatis sive eorum assignatis inperpetuum contra omnes homines et feminas warantizabimus acquietabimus et defendemus Et ut hec mea donatio concessio et presentis carte mee confirmatio et warantia rata stabilis et inconcussa inperpetuum permaneat hanc presentem cartam inpressione sigilli mei corroboravi Hiis testibus Radulpho de Swereford Symone de Pratell Stephano de Pratell Arnet de Pratell Willelmo Iugelot et multis aliis