Charter Document - 05450666
| Charter Number: | 05450666 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1304 - 1316 |
| Date type: | Assigned |
| Resource Link(s): |
|
Charter:
Universis ad quos presens scriptum pervenerit Matilda de Opton permissione divina abbatissa de Godestowe et eiusdem loci conventus salutem in domino Noveritis nos dedisse et concessisse per presentes Edmundo Maubaunk totam terram cum curtilagiis croftis pratis pascuis et pasturis cum vesturis et omnibus pertinentiis que Stephanus de Pratell quondam de nobis tenuit in villa et territorio de Magna Tywe habendam et tenendam eidem Edmundo vel suis assignatis omnibus diebus vite sue totam predictam terram cum croftis et curtilagiis pratis pascuis et pasturis de nobis et successoribus nostris faciendo inde singulis annis dum vixerit pro nobis et successoribus nostris duas lagenas vini vel x d ad parochianos de Tywe communicandos ad festum pasche pro omnibus servitiis sectis curie herietis et omnibus aliis secularibus exactionibus et demandis Pro hac autem donatione et concessione dictus Edmundus dedit nobis xx marcas premanibus Et nos vero et successoribus nostris totam predictam terram cum croftis curtilagiis pratis pascuis et pasturis cum pertinentiis una cum tota vestura superdictis tenementis cressentia dicto Edmundo vel suis assignatis contra omnes homines warantizabimus acquietabimus et per predictum servitium defendemus In cuius rei testimonium sigillum nostrum commune una cum sigillo dicti Edmundi presenti scripto indentato sub alternatione apposuimus Hiis testibus Hugone filio Radulphi domino Ricardo capellano de Tywe Johanne Nicole Radulpho Baret Roberto Nicole et aliis