Charter Document - 05450663
| Charter Number: | 05450663 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 - 1325 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus Jogelot dedi concessi et hac presenti carta mea confirmavi Johanni de la Lake de Magna Tywe unam acram terre mee in villa de Magna Tywe cuius medietas jacet inter terram Roberti ate Pleystowe ate Wodebregge et alia roda eiusdem acre jacet inter terram Roberti ate Pleystowe ate Setteles et alia roda iacet inter terram Roberti Barat et inter terram Handeman of Oxwellekappe habendam et tenendam de me et heredibus meis sibi et heredibus suis bene et in pace libere et quiete inperpetuum reddendo inde annuatim michi et heredibus meis ipse et heredes sui vel sui assignati vel heredum assignati unam rosam ad festum sancti Johannis baptiste pro omni servitio seculari vel demanda Et ego predictus W Jogelot et heredes mei predictam acram predicto Johanni et heredibus suis pro predicto servitio contra omnes homines et feminas warantizabimus acquietabimus et defendemus inperpetuum Licitum sit etiam predicto Johanni et heredibus suis vel suis assignatis vel heredum assignatis predictam acram vendere dare legare vel invadiare quondocumque et quibuscumque voluerint Pro hac autem donatione concessione et presentis carte confirmatione dedit michi predictus Johannes de la Lake unam dimidiam marcam argenti Et ut hec mea donatio concessio et presentis carte confirmatio perpetua valeat securitate presens scriptum sigilli mei inpressione roboravi Hiis testibus Simone de Preus de Magna Tywe Ricardo le Frankeleyn de eadem Johanne le Franckeleyn de eadem Radulpho clerico de Sereford et multis aliis