Charter Document - 05450662
Charter Number: | 05450662 |
---|---|
Cartulary Title: | The Latin Cartulary of Godstow Abbey |
Charter Language: | Latin |
Charter Origin: | Lay |
Charter Type(s): | Settlement |
Date: | 1314 |
Date type: | Internal, Regnal |
Resource Link(s): |
|
Charter:
Universis pateat per presentes quod cum contentio mota esset inter dominum Johannem de Trillowe et dominum Johannem de Bloxham vicarium de Pateshull et Edmundum Maubank ex parte una et Johannem et Ricardum de la Lake et Milicenciam sororem eorundem super iure et detentione trium acrarum terre in territorio de Magna Tywe que quondam fuerunt Willelmi de la Lake nativi predictorum Johannis Johannis et Edmundi tandem concordati sunt in hunc modum ita videlicet quod dicti Johannes et Ricardus et Milicencia de la Lake perpendentes se nullum ius habere in terris predictis reddiderunt et concesserunt predicto Willelmo de la Lake fratri eorundem primogenito totum ius et clameum quod habuerunt in dictis tribus acris terre cum pertinentiis una cum dampnis et expensis suis ita quod ipsi Johannes Ricardus et Milicencia nec heredes sui aliquid iuris vel clamii de cetero in dictis terris poterunt vendicare In cuius rei testimonium sigilla predictorum Johannis Ricardi et Milicencie de la Lake presenti scripto sunt appensa Hiis testibus Ricardo de Eton capellano Roberto Nichol Radulpho Baret Johanne Niche Drogone de Preus et aliis Data apud Godest quinto die Marcii anno regni regis Edwardi filii regis Edwardi septimo