Charter Document - 05450661
| Charter Number: | 05450661 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1315 |
| Date type: | Internal, Regnal |
| Resource Link(s): |
|
Charter:
Universis Christi fidelibus hoc presens scriptum indentatum visuris vel audituris Matilda de Upton permissione divina abbatissa de Godestowe et eiusdem loci conventus salutem in domino sempiternam Noveritis nos concessisse et tradisse Milicencie filie Roberti de la Lake tres acras terre arabilis iacentes in campis de Magna Tywe quas Willelmus de la Lake nativus noster quondam tenuit habendas et tenendas predicte Militencie ad totam vitam suam reddendo inde nobis et successoribus nostris annuatim i d ad festum nativitatis sancti Johannis baptiste ita tamen quod post decessum predicte Militencie una acra predictarum trium acrarum que iacet in le Hamme iuxta Larkewell nobis et successoribus nostris revertatur in imperpetuum remaneat Preterea noveritis nos concessisse Johanni et Ricardo fratribus predicte Milicencie post decessum predicte Milicencie alias duas acras predictarum trium acrarum cum omnibus suis ubique pertinentiis habendas et tenendas predictis Johanni et Ricardo et heredibus suis de corporibus eorum legittime procreatis seu procreandis de nobis et successoribus nostris reddendo inde annuatim nobis et monasterio nostro ii d per annum videlicet ad festum sancti Michaelis et quas quidem duas acras Isabella de la Lake soror predicti Willelmi quondam tenuit ad terminum vite sue In cuius rei testimonium unius parti huius scripti penes Milicenciam Johannem et Ricardum existenti sigillum nostrum commune est appensum Alter parti penes nos existenti sigilla predictorum Milicencie Johannis et Ricardi sunt appensa Data apud Godestowe quinto die Aprilis anno regni regis Edwardi filii regis Edwardi octavo Pro hac autem concessione dederunt predicti Milicencia Johannes et Ricardus nobis premanibus vi s et viii d