Charter Document - 05450654
| Charter Number: | 05450654 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Appointment |
| Date: | 1313 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Thomas de Whelton atturnavi loco meo dilectos michi in Christo Baldewinum de Kerbroc et Hugonem filium Radulphi vel alterum ipsorum si ambo interesse non possint ad ponendum nomine meo dominum Johannem de Trillaw dominum Johannem de Bloxham vicarium ecclesie de Pateshull et Edmundum Maubaunk in plenam et pacificam seysinam de quinque mesuagia octo virgatas terre duabus solidatis et duabus denarratis redditus cum pertinentiis in Magna Tywe et etiam de corporibus Johannis de la Lake Willelmi de la Lake Ade Baret Ricardi Toly et Ade atte Pleystowe nativorum meorum cum omnibus catallis sectis et sequelis suis et simul cum omnibus terris et tenementis que dicti nativi vel aliqui de eorum sequela quoquomodo adquisiverunt cum omnibus eorum pertinentiis in eadem villa sicut in carta mea feoffamenti plenius continetur Et ego dictus Thomas habeo et teneo ratum et gratum quicquid predicti Baldewinus et Hugo vel eorum alter nomine meo fecerint in premissis In cuius rei testimonium has litteras meas eisdem feci patentes Data Londoniis in festo sanctorum Philippi et Jacobi anno regni regis Edwardi filii regis Edwardi sexto