Charter Document - 05450652
| Charter Number: | 05450652 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1314 |
| Date type: | Internal, Regnal |
| Resource Link(s): |
|
Charter:
Edwardus dei gratia rex Angl dominus Hibn et dux Aquit omnibus ad quos presentes littere pervenerint salutem Sciatis quod cum per litteras nostras patentes concesserimus et licentiam dederimus pro nobis et heredibus nostris quantum in nobis est dilectis nobis in Christo abbatisse et monialibus de Godestowe quod ipse terras tenementa cum pertinentiis ad valentiam C s per annum iuxta verum valorem eorundem tam de feodo suo proprio quam de feodo alieno exceptis terris et tenementis que de nobis tenentur in capite adquirere possint habend et tenend eisdem abbatisse et monialibus et successoribus suis imperpetuum statuto de terris et tenementis ad manum mortuam non ponendis edito non obstante prout in litteris nostris predictis plenius continetur nos volentes concessionem nostram predictam debito effectui mancipari concessimus et licentiam dedimus pro nobis et heredibus nostris quantum in nobis est Johanni de Trilllawe Johanni de Bloxham vicario ecclesie de Pateshull et Edmundo Maubank quod ipsi quinque mesuagia octo virgatas terre duas solidatas et duas denarratas redditus cum pertinentiis in Magna Tiwe que quidem mesuagia terre et redditus tenentur de Johanne de Pratellis et que mesuagia et terra valent per annum in omnibus exitibus xli s sicut per inquisitionem per dilectum et fidelem nostrum Johannem Abel escaetorem nostrum ultra Trentem de mandato nostro factam et in cancellaria nostra retornatam est compertum dare possint et assignare eisdem abbatisse et monialibus habend et tenend sibi et successoribus suis imperpetuum in partem satisfactionis centum solidatarum terre et tenementorum predictorum et eisdem abbatisse et monialibus quod ipse prdicta mesuagia terram et redditum cum pertinentiis a prefatis Johanne Johanne et Edmundo recipere possint et tenere sibi et successoribus suis imperpetuum sicut predictum est tenore presentium Similiter licentiam dedimus specialem statuo predicto non obstante nolentes quod predicti Johannes Johannes et Edmundo vel heredes sui aut prefate abbatissa et moniales seu earum successores ratione statuti predicti per nos vel heredes nostros inde occasionentur in aliquo seu graventur salvis tamen capitalibus dominis feodi illius servitiis inde debitis et consuetis In cuius rei testimonium has litteras nostras fieri fecimus patentes Teste me ipso apud Ebor octavo die Maii anno regni nostri septimo