Charter Document - 05450651
| Charter Number: | 05450651 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1314 |
| Date type: | Internal, Regnal |
| Resource Link(s): |
|
Charter:
Omnibus ad quos presentes littere pervenerit Radulphus de Pratellis dominus de Magna Tywe salutem in domino sempiternam Noveritis me concessisse et pro me et heredibus meis licentiam dedisse quantum in me est pro salute anime mee antecessorum et heredum meorum inperpetuum dilectis in Christo dominis Johanni de Trillawe et Johanni de Bloxham vicario ecclesie de Pateshull quod ipsi dare possint et assignare dilectis michi in Christo abbatisse et monialibus de Godestowe omnes terras et tenementa que nuper adquisierunt de Thoma de Welton in predicta villa de Magna Tywe Dedi etiam et concessi pro me et heredibus meis inperpetuum prefate abbatisse et monialibus licentiam quod ipse eadem tenementa sine contradictione vel inpedimento mei vel heredum meorum ingredi possint et eisdem adquirere et apropriare habend et tenend dictis abbatisse et monialibus et eorum successoribus inperpetuum statuto domini regis in contrarium proviso non obstante salvis tamen michi et heredibus meis omnibus dominiis libertatibus redditibus servitiis et consuetudinibus de eisdem tenementis domino Johanni patri meo et antecessoribus suis prius debitis et consuetis In cuius rei testimonium parti huius indenture penes dictam dominam abbatissam remanenti prefatus Radulphus sigillum suum apposuit et parti penes dictum Radulphum remanenti prefate abbatissa et moniales sigillum eorum commune apposuerunt Hiis testibus dominis Johanne de Foxle Johanne de Trillawe Johanne Giffard Henrico de Dyne Hugone de Barton Roberto de Cranford Hugone Rannes de Tywe Johanne Nichole Edmundo de Dene et aliis Data apud Magna Tywe sexto die Februarii anno regni regis Edwardi filii regis Edwardi septimo