Charter Document - 05450650
| Charter Number: | 05450650 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1313 |
| Date type: | Internal, Feast, Regnal |
| Resource Link(s): |
|
Charter:
Die veneris proxima post festum inventionis sancte crucis anno regni regis Edwardi filii regis Edwardi sexto convenit inter dominum Johannem de Bloxham vicarium ecclesie de Patishull et Edmundum Maubaunk ex parte una et Thomam de Whelton et Willelmum de Schenle ex altera videlicet quod dicti Thomas et Willelmus teneantur dictis dominis Johanni Johanni et Edmundo unusquisque eorum iii s in ducentis marcis sterlingorum per quandam obligationem eisdem dominis Johanni Johanni et Edmundo factam volunt et per presentes concedunt dicti domini Johannes Johannes et Edmundus quod si predictus Thomas ad sectam et ad custus dictorum dominorum Johannis et Edmundi cognoscerit remiserit et omnino quietus clamaverit et per clausulam warancie warantizaverit per finem in curia domini regis inde levandam dictis dominis Johanni Johanni et Edmundo heredibus et assignatis eorum quinque mesuagia octo virgatas terre duas solidatas et duas denarratas redditus una cum corporibus Johannis de la Lake Willelmi de la Lake Ade Baret Ricardi Toly et Ade atte Pleyston nativorum cum omnibus eorum cattallis sectis et sequelis et una cum omnibus terris et tenementis que dicti nativi vel aliquis de eorum sequela quoquomodo adquisiverunt citra festum nativitatis domini proximi sequens tunc obligatio predicta ducentarum marcarum dictis dominis Johanni Johanni et Edmundo per prefatos Thomam et Willelmum facta pro nulla habeatur et omnino adnichiletur imperpetuum Et si contingat dictum Thomam dicta mesuagia terras redditus corpora nativorum predictorum cum eorum sectis et sequelis catallis et omnibus eorum pertinentiis et adquisitis modo predicto non cognoscere remittere quietum clamare warantizare dictis dominis Johanni Johanni et Edmundo citra festum nativitatis domini predictum tunc obligatio predicta ducentarum marcarum in robore et vigore suo permaneat imperpetuum nisi per mortem alterius partis vel per voluntatem dictorum domini Johannis Johannis et Edmundi dicta recognitio imperfecta remaneat In cuius rei testimonium partes predicte sigilla sua alternatim hiis scriptis indentatis apposuerunt Data London die et anno supradictis