Charter Document - 05450648
| Charter Number: | 05450648 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1314 |
| Date type: | Internal, Regnal, Feast |
| Resource Link(s): |
|
Charter:
Sciant presentes et futuri quod nos Johannes de Trillawe et Johannes de Bloxham vicarius ecclesie de Pateshulle dedimus concessimus et hanc presenti carta nostra confirmavimus dilectis nobis in Christo Matildi de Upton abbatisse de Godestowe et monialibus ibidem deo servientibus quinque mesuagia octo virgatas terre duas solidatas et duas denarratas redditus cum pertinentiis in Magna Tywe Dedimus etiam et concessimus eisdem abbatisse et monialibus corpora Johannis de la Lake Ade Baret Ricardi Tholy et Ade atte Pleystonwe nativorum nostrorum cum omnibus catallis sectis et sequelis suis una cum omnibus terris et tenementis que dicti nativi vel aliqui de eorum sequela adquisierunt quoquomodo cum pertinentiis in eadem villa habenda et tenenda dicte abbatisse et monialibus predictis et eorum successoribus predicta mesuagia terras et redditus et etiam corpora nativorum predictorum cum omnibus catallis sectis et sequelis et eorum perquisitis cum omnibus pertinentiis ut in domibus curtilagiis terris pratis pascuis pasturis hayis fossatis aquis stagnis vivariis ripariis columbariis molendinis viis semitis scutagiis homagiis fidelitatibus redditibus custumis wardis maritagiis finibus releviis heriettis escaetis sectis curiarum et omnimodis libertatibus et liberis consuetudinibus servitiis reversionibus seu aysiamentis quibuscumque tam provenientibus de liberis tenentibus quam de nativis seu tenentibus in vilenagium libere quiete bene et in pace de capitalibus dominis feodi illius per servitia inde debita et de iure consueta inperpetuum Et nos dicti Johannes et Johannes et heredes nostri prefatis abbatisse et monialibus et eorum successoribus predicta mesuagia terras et redditus cum pertinentiis ut predictum est et etiam nativos predictos cum omnibus catallis sectis et sequelis seu perquisitis eorundem cum pertinentiis sine ullo retenemento nostri vel heredum nostrorum contra omnes homines warantizabimus acquietabimus et inperpetuum deffendemus per servitium predictum In cuius rei testimonium presenti carte sigilla nostra apposuimus Hiis testibus dominis Ricardo de Aumari Johanne Giffard Roberto de W Thoma de Gardinis militibus Roberto de Crauford Hugone de Barton Johanne Nicole Hugone filio Radulphi Arneto de Pratell Ada de Pratell capellano Johanne Simond Ada Martin et multis aliis Data die dominica proxima post festum sancti Valentini martiris anno regni regis Edwardi filii regis Edwardi septimo