Charter Document - 05450647
| Charter Number: | 05450647 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1313 |
| Date type: | Internal, Regnal, Feast |
| Resource Link(s): |
|
Charter:
Sciant presentes et futuri quod ego Thomas de Whelton dedi concessi et hac presenti carta mea confirmavi domino Johanni de Trillawe domino Johanni de Bloxham vicario ecclesie de Pateshull et Edmundo Maubaunk quinque mesuagia octo virgatas terre duas solidatas et duas denarratas redditus cum pertinentiis in Magna Tywe Dedi etiam et concessi eisdem dominis Johanni Johanni et Edmundo corpora Johannis de la Lake Willelmi de la Lake Ade Baret Ricardi Toly et Ade atte Pleystowe nativorum meorum cum omnibus catallis sectis et sequelis suis una cum omnibus terris et tenementis que dicti nativi vel aliqui de eorum sequela adquisiverunt quoquomodo cum pertinentiis in eadem villa habenda et tenenda dictis dominis Johanni Johanni et Edmundo et heredibus seu eorum assignatis quibuscumque predicta mesuagia terras et redditus et etiam corpora nativorum predictorum cum omnibus catallis sectis et sequelis et eorum perquisitis cum omnibus pertinentiis ut in domibus curtilagiis terris pratis pascuis pasturis hayis fossatis aquis stagnis vivariis ripariis columbariis molendinis viis semitis scutagiis homagiis fidelitatibus redditibus custumis wardis maritagiis finibus releviis heriettis escaetis sectis curiarum et omnimodis libertatibus et liberis consuetudinibus servitiis appeniamentis reversionibus seu aysiamentis quibuscumque tam provenientibus de liberis tenentibus quam de nativis seu tenentibus in vilenagium libere quiete bene et in pace de capitalibus dominis feodi illius per servitia inde debita et de iure consueta imperpetuum Et ego predictus Thomas et heredes mei prefatis dominis Johanni Johanni et Edmundo heredibus et assignatis eorum predicta mesuagia terras et redditus cum pertinentiis ut predictum est et etiam nativos predictos cum omnibus catallis sectis et sequelis seu perquisitis eorundem cum pertinentiis sine ullo retenemento mei vel heredum meorum contra omnes homines warantizabimus acquietabimus imperpetuum et defendemus per servitium predictum In cuius rei testimonium presenti carte sigillum meum apposui Hiis testibus Hugone de Barton Johanne Nicol Hugone filio Radulphi Arnetto de Pratell Adam de Pratell capellano Johanne Simund Adam Martin et aliis multis Data in festo sanctorum Philippi et Jacobi anno regni regis Edwardi filii regis Edwardi sexto