Charter Document - 05450645
| Charter Number: | 05450645 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1143 |
| Date type: | Assigned |
| Resource Link(s): |
|
Charter:
M imperatrix H regis filia archiepiscopis episcopis abbatibus comitibus baronibus justiciis vicecomitibus ministris et omnibus fidelibus suis francis et anglicis totius Angl salutem Sciatis me pro amore dei et animabus patris mei Henrici regis Angl et matris mee Matildis regine et salute anime mee et incolumitate domini mei G ducis Norm et comitis Andeg et meorum liberorum dedisse et concessisse in perpetuam elemosinam deo et ecclesie sancte Marie et sancti Johannis baptiste de Godestowe et monialibus ibidem deo servientibus terram de [Shillingford] videlicet duas hidas et dimidiam et dimidiam virgatam quam Radulphus scriba tenuit per annum pro lii s et vi d cum pratis et pasturis et centum solidatas terre in Waltona ita integre totam sicut eam habuerunt quando apud Oxineford obsessa fui et piscariam in Chiarewell et aquam cum pertinentiis suis necnon et cum pratis et pasturis et totam omnium fructuum de Wodestoch et nundinas que durent in dies plenarios apud Godestowe ad natale sancti Johannis baptiste et firmiter precipio quod omnes illi qui ad illas nundinas venerint habeant meam firmam pacem et omnes res eorum in eundo morando et redeundo ne aliquis eos nec res eorum iniuste disturbet Quare volo et firmiter precipio quod predicta ecclesia de Godestowe et moniales illas terras et terram suam de Eatona et wicam in Portmaneit quam cives Oxineford eis dederunt et ecclesiam sancti Egidii iuxta Oxineford quam Ailwinus filius Godegos eis dedit et molendinum suum quod vocatur Boiemyln cum pratis et pasturis et terris et omnibus pertinentiis et alias omnes terras ecclesie sue pertinentes habeant et teneant in bono et pace in perpetuam elemosinam et quecumque alia dei distributione adquisita fuerint cum omnibus libertatibus et liberis consuetudinibus cum soca et saca et tolle et team et infangeneyeof bene et in pace et libere et honorifice prorsus quietas et liberas de scire et hundredo et geldo et denegeldo et placitis et auxiliis et assisis et scutagiis de murdro et latrocinio et omni geldo omnibusque querelis et exactionibus omnibusque aliis rebus ne aliquis eis iniuriam vel molestiam in aliquo faciat Quia predicta ecclesia de Godestowe et moniales ibidem deo servientes et omnes res et possessiones et homines sui et omnia que ad illas spectant specialius omnibus ceteris in Anglia sunt in mea propria manu protectione et custodia Hiis testibus Bernardo episcopo de Sancto David Roberto comite Gloec Milone comite Hereford et Brientio filio comitis Humfrido de Bohun apud Divisas