Charter Document - 05450641

Omnibus Christi fidelibus hoc presens scriptum visuris vel audituris Willelmus filius Milicende miles de Shillingford salutem in auctore salutis Noveritis me relaxasse et penitus de me et de heredibus meis imperpetuum quietum clamasse religiosis dominabus Margerie de Dyne permissione divina abbatisse et conventui de Godestowe et earum successoribus totum ius meum et clameum quod habui seu in posterum titulo hereditario seu aliquo alio modo habere potero in duabus acris terre arrabilis et dimidia iacentibus in campo de Shillingford quarum una iacet in Chalkfurlong abuttans super terram Willelmi le Toter ex parte orientali et terram Ade Blundel ex parte occidentali et altera acra iacet in eodem campo inter terram abbatisse de Godestowe ex una parte et terram Johannis Athelham ex altera et dimidia acra iacet in Westcroft inter terram Agnetis Levesons ex una parte et terram Agnetis Rokemondes ex altera cum pratis pascuis et pasturis et cum portione mea dotis et cum omnibus aliis suis pertinentiis quas et que supradicte religiose habent et habere consueverunt ex dimissione predicte Milicende matris mee de dominio supradictarum religiosarum in Shillingford ita quod nec ego predictus Willelmus nec heredes mei nec aliquis per nos seu nomine nostro in supradictis terris et tenementis cum pratis pascuis et pasturis et cum omnibus aliis suis pertinentiis ut supradictum est in parte nec in toto aliquid jure vel clamium de cetero exigere aut vendicare poterimus set per presens scriptum simus exclusi imperpetuum In cuius rei testimonium huic scripto sigillum meum apposui Hiis testibus Willelmo le Mareschal Radulpho Restwald Radulpho Saleman Johanne Mounsorel Johanne le veysyn Johanne Daleber et aliis Data apud Shillingford die dominica proxima post festum annunciationis beate Marie virginis anno regni regis Edwardi filii regis Edwardi sextodecimo