Charter Document - 05450639
| Charter Number: | 05450639 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1347 |
| Date type: | Internal, Regnal, Feast |
| Resource Link(s): |
|
Charter:
Omnibus ad quos hoc presens scriptum pervenerit Willelmus Milsaund de Shillingford salutem in domino Noveritis me remisisse relaxasse et inperpetuum quietum clamasse de me et heredibus meis dominabus abbatisse et conventui de Godestowe et successoribus suis duas acras et dimidiam acram terre arabilis cum una dimidia acra prati adiacente dicte terre quarum una acra terre iacet in Shalforlangg abuttans super terram Willelmi le Totere ex una parte et terram Ade Blundel ex altera una acra iacet in eodem campo inter terram predicte domine abbatisse et terram Johannis Athelham et dimidia acra terre iacet in Westcroft inter terram Alicie Levesones et terram quondam Rokemond particula vero prati iacet inter pratum dicte domine abbatisse quod vocatur le Burimede extendens se ex utraque parte ita quod nec ego predictus Willelmus seu heredes mei nec aliquis per nos seu nomine nostro predictis terra et particula prati erga predictam dominam abbatissam et conventum seu successores suos quicquam de cetero vendicare poterimus nec debemus inperpetuum Et ego vero predictus Willelmo et heredes mei predictas duas acras et dimidiam acram terre arabilis et dimidiam acram prati predictas dictis domine abbatisse et conventui et successoribus suis contra omnes gentes warantizabimus et defendemus inperpetuum per presentes In cuius rei robur et perpetuum testimonium hoc presens scriptum sigilli inpressione signavi Data apud Shilingford in festo sancti Martini anno regni regis Edwardi tercii post conquestum vicesimo primo Hiis testibus Roberto Marie domino Thoma de Evesham Rogero de Hamme Roberto Coppe Willelmo le Bonne Johanne Darber et Johanne Bataille et multis aliis