Charter Document - 05450638
| Charter Number: | 05450638 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1336 |
| Date type: | Internal, Regnal |
| Resource Link(s): |
|
Charter:
Edwardus dei gratia rex Anglie dominus Hibn et dux Aquit omnibus ad quos presentes littere pervenerint salutem Sciatis quod cum dominus E imperator rex Angl pater noster per litteras suas patentes de gratia sua speciali concessisset et licentiam dedisset pro se et heredibus suis quantum in ipso fuit dilectis nobis in Christo abbatisse et monialibus de Godestowe quod ipse terras et tenementa cum pertinentiis ad valentiam C s per annum iuxta verum valorem eorundem tam de feodo suo proprio quam de feodo alieno exceptis terris tenementis et redditibus que de ipso patre nostro tenebantur in capite adquirere possent et tenere sibi et successoribus suis imperpetuum statuto de terris et tenementis ad manum mortuam non ponendis edito non obstante prout in litteris ipsius patris nostri predictis plenius continetur nos volentes concessionem eiusdem patris nostri predictam effectui debito mancipari concessimus et licentiam dedimus pro nobis et heredibus nostris quantum in nobis est Johanni de Buri de Morton quod ipse duo mesuagia octo acras terre et unam acram prati cum pertinentiis in Shillinford que de nobis non tenentur et que valent per annum viii s et iiii d sicut per inquisitionem inde per dilectum nobis Willelmum de Northo nuper escaetorem nostrum in comitatibus Sutht Wiltes Oxon Berk Bed et Buk de mandato nostro factam et in cancellaria nostra retornatam est compertum dare possit et assignare prefatis abbatisse et monialibus habenda et tenenda sibi et successoribus suis in valorem xiii s et iiii d per annum in partem satisfactionis centum solidatarum terrarum et tenementorum predictorum imperpetuum Et eisdem abbatisse et monialibus quod ipse mesuagia terram et pratum predicta cum pertinentiis a prefato Johanne recipere possint et tenere sibi et successoribus suis predictis imperpetuum sicut predictum est tenore presentium similiter licentiam dedimus specialem statuto predicto non obstante nolentes quod predictus Johannes vel heredes sui aut prefate abbatissa et moniales seu earum successores ratione statuti predicti per nos vel heredes nostros inde occasionentur in aliquo seu graventur salvis tamen capitalibus dominis feodi illius servitiis inde debitis et consuetis In cuius rei testimonium has litteras nostras fieri fecimus patentes Teste me ipso apud Westm duodecimo die Marcii anno regni nostri decimo