Charter Document - 05450636
| Charter Number: | 05450636 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1335 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Johannes Depe de Walingford dedi concessi et hac presenti carta mea confirmavi Willelmo Levesone de Schillingforde unum mesuagium cum curtilagio in villa de Shillingford scitum inter mesuagio Willelmi Willecus et mesuagio Johannis Willecus et extendit se versus orientem usque in regalem viam occidentem usque ad terram abbatisse de Godestowe et tres acras et tres rode terre arrabilis et unam dimidiam acram prati iacentem in prato abbatisse de Godestowe in villa de Schillingforde quarum una acra iacet inter terram Willelmi Levesone et una alia iacet inter terram Walteri Thoremonde ex utraque parte et extendit versus austrum in viam regalem que ducit versus Bensyntone et una alia acra iacet in le Gore inter terram predicte abbatisse et terram Willelmi Levesone et una roda iacet in Shalkeforlonge inter terram dicte abbatisse et est forera et una alia roda iacet in le Tene Acres inter terram Hugonis Lyard et terram dicte abbatisse et una alia roda iacet in le Strete inter terram dicte abbatisse et terram dicti Willelmi Levesone ex parte occidenti et predicta dimidia acra prati iacet in prato dicte abbatisse inter pratum dicti Willelmi Levesone ex parte occidenti et pratum dicte abbatisse ex parte orientali habendum et tenendum predictum mesuagium cum curtilagio predictas tres acras tres rodas terre arrabilis et predicta dimidia acra prati cum suis pertinentiis de capitalibus dominis feodi illius per servitia inde debita et de iure consueta imperpetuum Et ego predictus Johannes et heredes mei predictum messuagium cum curtilagio tres acras tres rodas terre predictas et predictam dimidiam acram prati cum suis pertinentiis predicto Willelmo heredibus et assignatis contra omnes gentes warantizabimus et defendemus imperpetuum In cuius rei testimonium huic presenti carte mee sigillum meum apposui Hiis testibus Ricardo Restwold Johanne Herdwyke Radulpho Saleman Johanne Daleber Johanne Catayle Willelmo Bone Waltero Ovyat et aliis Data apud Schillingford die jovis proxima post festum sancti Benedicti abbatis anno regni regis Edwardi tercii a conquestum nono