Charter Document - 05450635
| Charter Number: | 05450635 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1322 |
| Date type: | Internal, Regnal, Feast |
| Resource Link(s): |
|
Charter:
Omnibus Christi fidelibus hoc presens scriptum visuris vel audituris abbatissa de Godestowe et eiusdem loci conventus salutem in auctore salutis Noveritis nos unanimi assensu concessisse et presenti scripto confirmasse Waltero Lyevesone de Bensintone Emme uxori sue et Willelmo filio eorundem ad terminum vite eorum totum illud cotagium quod Johannes Bacoun de nobis aliquando tenuit in Schillingford et etiam pasturam pro tribus vaccis apud le Broch quam idem Johannes similiter de nobis tenuit habendum et tenendum predictum cotagium cum pastura supradicta et cum aliis pertinentiis suis predictis Waltero Emme et Willelmo ad terminum vite eorum vel uni eorum qui vel que altero supervixerit reddendo inde nobis et successores nostris annuatim iiii s argenti ad duos anni terminos usuales pro equali portione videlicet in festo sancti Michaelis et sancte Marie in Marcio Et predicti Walterus Emma et Willelmus edificium dicti cotagii et clausure ad totum terminum vite cuiuscumque eorum sustentabunt in tali statu vel meliori quo ea receperunt Et nos predicti abbatissa et conventus inveniemus annuatim ad dictam sustentationem unam acram stipule in campo de Schillingford ubicumque pro voluntate nostra assignavimus eosdem sumptibus suis colligendis Et nos vero abbatissa et conventus predictum cotagium cum pastura et cum suis aliis pertinentiis predictis Waltero Emme uxori sue et Willelmo filio eorundem ad totum terminum vite eorum contra omnes gentes warantizabimus acquietabimus et defendemus In cuius rei testimonium huic scripto dupplicato sigillum nostrum una cum sigillo predicti Walteri alternatim sunt appensa Data apud Godestowe die dominica proxima post festum sancti Ambrosii anno regni regis Edwardi filii regis Edwardi quintodecimo