Charter Document - 05450634
| Charter Number: | 05450634 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1332 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Matilda de Bokenham dedi concessi et hac presenti carta mea confirmavi Johanni Depe de Walingford unam placeam curtilagii iacentem in villa de Schillingford inter mesuagium Willelmi Wllicus et mesuagium Johannis Willicus et extendit se versus orientem usque ad regalem viam et versus occidentem usque ad terram abbatisse de Godestowe et quatuor acras terre arabiles iacentes in campis de Schillingford et dimidiam acram prati iacentem in prato abbatisse de Godestowe habendas et tenendas predictam placeam et quatuor acras terre arabiles cum dimidia acra prati et pertinentiis suis de capitalibus dominis feodi illius pro recta servitia inde debita et de iure consueta imperpetuum Et ego predicta Matilda de Bokenham et heredes mei predictam placeam curtilagii et quatuor acras cum dimidia prati et pertinentiis suis prefato Johanni heredibus et assignatis suis contra omnes gentes warantizabimus et defendemus imperpetuum In cuius rei testimonium huic presenti carte mee sigillum meum apposui Hiis testibus Ricardo Restwold Johanne de Herdeweyk Radulpho Saleman Johanne Daleber Johanne Batille Willelmo Bone Johanne Boteler Waltero Oviat et multis aliis Data apud Warberwe die veneris proxima post festum nativitatis sancti Marie virginis anno regni regis Edwardi tercii post conquestum sexto