Charter Document - 05450630
| Charter Number: | 05450630 |
|---|---|
| Cartulary Title: | The Latin Cartulary of Godstow Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1146 - 1182 |
| Date type: | Assigned |
| Resource Link(s): |
|
Charter:
Notum sit omnibus sancte matris ecclesie fidelibus tam presentibus quam futuris quod ego Galfridus de Juoio pro salute anime mee et predecessorum ac successorum meorum reddidi et concessi deo et ecclesie beate Marie et sancti Johannis baptiste de Godestowe et sanctimonialibus ibidem deo servientibus terram que dicitur anglice Gare iuxta viam qua itur de Gurebga ad Holecumba a parte australi occidentis ubi mansit Edwardus recognito jure in eadem terra predictarum sanctimonialium testimonio alli moti mei habendam et tenendam de me et heredibus meis libere et quiete ab omni servitio seculari et exactione in perpetuam elemosinam et eternam possessionem Huius itaque recognitionis juris sepe dictarum sanctimonialium redditionis et concessionis mee testes sunt subscripti Aluredus abbas Dorcecestrie Robertus prior eiusdem Dorcecestrie Hugo de Juoio filius meus Walterus de Bensinton Robertus de Guerbga Hamelinus nepos meus Radulphus pincerna Adam de Godestowe Thome clericus Bartholomeus nepos abbatis de Dorc necnon et alli motum meum cuius conscientia recognitio iuris iamdiu prefatarum sanctimonialium plenaria facta et confirmata est numquam retractanda